السلام عليكم ورحمة الله وبركاته .....
هذي انشودة عباره عن رثاء ولد في والده وحبيت أنقل لكم الابيات ...
** دقـــــــات قلــــبي **
دقات قلبي تزيد بحرة فيها ×× والدمع من مهجتي بالحزن ذرافي
من لوعتن ياعسى ربي يجليها ×× حمى غشتني بغم وتنفض اطرافي
ليت اليالي تعود بحلو ماضيها ×× هيهات ترجع بما روح وماطافي
كلن يعزي واناروحي اعزيها ×× روحي لابوي اللي بالأفضال معطافي
آ هً من الوقت والدنيا اثنيها ×× دنياتفرق شمل بالحيل تنعافي
بسمتك ياوالدي ماني بناسيها ×× تضحك اذا شفتني بالخيرمتعافي
علمتني المرجله باابهامعانيها ×× وارويتني المعرفه من منبع صافي
مسجدك مشتاق للآيه وتاليها ×× ومنبرك من عقب مافارقت له طافي
غرشت دهن عودك بدرجك اغطيها ×× اشم ريحه وكنك مقبل لافي
نظارتك شلتها حزني يبكيها×× ×× حتى المساويك ناحت بين الارفافي
عصاك مسنودةٌجيت ابحاكيها×× ×× تقول يكفيني مافيني ترى كافي
وبستانك اللي به النخلات تسقيها ×× يبست سواقيه تمره دون خرافي
يبه يبه يايبه المن بطريها؟ ×× هني من له ابو حي وينشافي
افز مشتاق والاشواق ناسيها ×× لاشفت شايب شبيهن لك باالوصافي
فضايلك يايبه عجزان اوفيها ×× لو صغت باالشعر بيت الالف منقاف
فنجان قهوه معك اوقات اغليها ×× ويضمني باالشتاء في مشلح دافي
همزت رجليك انا افدا مواطيها ×× ارجي لبرك عسى ماتشكي خلافي
يارب تجعله باالفردوس ناصيها ×× ومن ثمارالجنان الخضر قطافي
يارب ارحم موتانا وموتى المسلميين ..... آميييييين .....
تحياتي .....
** آخـــــــر شقــــــــاوه **
الأربعاء 14 مايو 2008, 17:23
